" الغريب مالهوش نصيب"

السلام عليكم ورحمة الله وبركاته

بسم الله الرحمن الرحيم ..إنشاء الله ان الجميع يكون بخير
موضوع لفت انتباهى قولت أكلم حضراتكم فيه
والموضوع يتلخص فى نقطتين
1) سبب قلة بطولات المصارعين الوافدين من WCW .ECW
2) وضع ستنج لو أتى إلى WWE
.................................................. ..
فى 12 سنة
الأخيرة منذ إنضمام WCW و مصارعينه إلى WWE فالمسيطر على الأحزمة
والبطولات والأحداث الرئيسية هم أبناء الدبيلودبليو إيه القدامى أو
القادمين من إتحادات فرعية زى سينا وأورتن والشباب الحاليين.
ومصارعيين
WCW و ECW مالهمش فى الطيب نصيب فكل إنجازاتهم قليلة على الرغم من تفوقهم
فى إتحاداتهم السابقة وتحقيقهم أكبر قدر من الإنجازات.
على سبيل المثال ..بوكر تى وكريس بنوة و إيدى جاريرو وذا جيانت بيج شو وحتى الجولد بيرج
فكل هؤلاء المصارعين إنجازاتهم فى WWE يادوب بطولة عالم أو بطولة الإتحاد.
يعنى البوكرتى تقريباً بطل WCW 5 مرات ماحققش غير بطولة العالم مرة واحده فى الدبليودبليوإيه
وإيدى
جاريرو حصل على لقب WWE مرة واحده من بروك ليسنر بالعافية ومات.. وكريس
بنواة حصل على بطولة عالم فى نفس الريسيلمانيا وبرده مات.
والبيج شو بطل WCW اللى انتزع اللقب من ريك فلير وبطل Ecw
لم يحقق لقب الاتحاد غير مرة وبطولة عالم لمدة دقيقة
يعنى مصارع بحجم ووزن البيج شو ليه ما عندوش بطولات ؟؟؟ ومكمان من كام اسبوع كان بيقول عليه مصارع فاشل.
يعنى المغزى من كل الكلام ده إن الوافدين للدبليودبليوإيه لم يأخذوا حقوقهم
الكلام ده ليه سببين
*أما مستواهم فعلاً أقل من أبطال WWE
*أو إن الدبليودبليوإيه عاوز يثبت إن WCW كان اتحاد فاشل والكل فيه كان بياخد بطولات و الإتحاد ماكنش بيزعل حد
يعنى 8 بطولات لريك فلير ما تشواش حاجة علشان لما رجع ما قدرش يحقق بطولة WWE
.................................................. .....
*النقطة الثاني وضع ستنج لو أتى للإتحاد مع من أتى.
فيه احتماين ليه
*الإحتمال الأول إنه كان هيبقى أحد أعمدة الإتحاد ويكسر الدنيا ويحصد كافة الألقاب ويستمر أطول فترة ممكنة ويلقى شعبية كبيرة
*الإحتمال الثانى إنه يخضع لسياسة الإتحاد ويظهر بمستوى زى البوكر وبنواة ويعتزل بدرى
وقبل ريسيلمانيا كده بكام شهر نروح قسم الأخبار ونقرى فيه خبر "
أخيراً تكرم إتحاد WWE وقبل تكريم المصارع ستنج فى قاعة المشاهير بعد
مشوار طويل فى WCW وتحقيقه لبطولة الإتحاد مرة واحده بالعافية"
دى إحتمالات وضع ستنج فى الإتحاد لو أتى فى 2000 وأنا عن نفسى برجح الإحتمال الثانى.
فما كان للإتحاد أن يفضل ستنج على مصارعيه وأبطاله ومضخميه وكان أكبر إنجاز لستنج فى الإتحاد إنه يبقى رقم فى ستريك أندرتيكر.
*فى نهاية
الموضوع بتمنى أن أكون وفقت فى عرض الفكرتين وبقول إن ستنج أصاب فى عدم
التحاقه بالدبليودبليوإيه فعلى الرغم من إن TNA إتحاد شعبيته مش كبيرة بس
لقى مكانة ووضع رائع وعمره الآن 53 سنة وعنده أداء يبهر الجميع.
بنتظر ردودكم وأرائكم وقولولى النظرية دى صح ولا غلط
" الغريب مالهوش نصيب"

والسلام عليكم ورحمة الله وبركاته..